Requirements
-
لا توجد أي متطلبات مسبقة فالدورة تأخذك من البداية الي الإحتراف
-
مناسبه لجميع انواع الاعمال (منتج مادي, منتج رقمي, خدمه, شركه تستهدف قطاع الاعمال, شركه تستهدف قطاع المستهلك)
Description
دوره التسويق الالكتروني المتكامله
تم شرح هذه الدوره التدريبيه علي ايدي استشاري التسويق سعيد بدر والمؤسس والمدير التنفيذي لشركه ماركيتيا للاستشارات التسويقية والتدريب ولديه خبره اكثر من ۸ سنوات في مجال التسويق الالكتروني وتنميه المبيعات
دوره التسويق الالكتروني المتكامله مكونه من ١٠ محاور تدريبيه وكل محور تدريبي يعتبر دوره تدريبيه في حد ذاتها منفرده لذلك اسمها ١٠×١ بمعني ١٠ دورات في دوره تدريبيه واحده بمده تدريبيه تتجاوز ال ١٢ ساعه تعليميه باجمالي عدد محاضرات اكثر من ٧٠ محاضره وقبل ما نخوض في تفاصيل اكثر بخصوص كل محور تدريبي علي حدا
لازم نجاوب علي سؤال مهم جدا ضروري كل متدرب فيكم يسأله او يتوارد في ذهنه هذا السؤال
ايه اللي هقدر اعمله وهحصل عليه بعد حضوري و انتهائي من دوره التسويق الالكتروني المتكامله ؟
بعد انتهائك من دوره التسويق الالكتروني المتكامله :-
- هتكون قادر انك تشتغل كمسوق الكتروني محترف.
- هتكون قادر علي إدارة وتحليل الحملات الإعلانية علي مختلف منصات السوشيال ميديا.
- هتكون قادر علي وضع نموذج خطه تسويقية لشركتك او مشروعك ليضمن نجاحه كما يمكن تطبيقها علي مختلف المنتجات والخدمات.
- هتكون قادر انك تنشر محتوي تسويقي ممتاز علي السوشيال ميديا بيساهم في جذب العملاء المحتملين لك والحفاظ على عملائك الحالين.
- هتكون قادر انك تبني نفق مبيعات سيلز فانلز اللي هيساعدك في نمو وزياده مبيعات منتجاتك او خدماتك بشكل اوتوماتيكي.
- هتكون قادر انك تطلق نشاط تجاري ناجح علي الإنترنت وتأسس بنفسك متجر الكتروني متكامل من الألف إلى الياء بدون الحاجة للخبره في لغات واكواد البرمجه.
- هتكون قادر علي تحقيق ارباح شهريه من التجاره الالكترونيه عن طريق عمليه الدروب شيبنج علي منصات تجاره الكترونيه عربيه.
طيب ايه اللي هتحصل عليه؟
- هتحصل علي شهاده إتمام دوره التسويق الالكتروني المتكامله معتمده من منصه يودمي العالميه.
- بالاضافه انك بتحصل علي شهاده أخري من منصه ماركيتيا نت للاستشارات التسويقية والتدريب.
- بالاضافه لاستشارات مجانيه و متابعه من المحاضر ليك طوال فتره الدوره التدريبيه والرد علي جميع اسئلتك واستفساراتك.
————————————
بعد ما عرفنا ايه اللي هنقدر نعمله و نحصل عليه بنهايه هذه الدوره التدريبيه خلينا نعرف مع بعض مسارنا التدريبي خلال هذه الدوره هيكون ماشي إزاي
الدوره هتكون مقسمه كالتالي :
اول ٥ محاور تدريبيه من محور رقم ١ الي محور رقم ٥ هيكونو خاصين ب السوشيال ميديا ماركتنچ
زي اعلانات الفيسبوك و اعلانات الانستجرام و اعلانات جوجل و اعلانات اليوتيوب و اعلانات تويتر وسناب شات
٣ محاور تدريبيه من محور رقم ٥ الي محور رقم ٨ هيكونو خاصين ب استراتيجيات وأساسيات التسويق الالكتروني
زي الخطه التسويقية و المحتوي التسويقي و نفق المبيعات
والمحور التدريبي رقم ٩ هيكون خاص ب التجاره الالكترونيه وبناء المتاجر الالكترونيه
والمحور التدريبي رقم ١٠ والاخير هيكون خاص ب الدروب شيبنج والربح من التجاره الالكترونيه
كده وضح لينا مسارنا التدريبي ان شاء الله هننتقل بعد كده مع بعض لمحتوياات دوره التسويق الالكتروني المتكامله وقولنا انها مكونه من ١٠ محاور تدريبيه
————————————
المحور الاول من الدوره التدريبيه هيكون حول اعلانات الفيسبوك
بتعبر منصه فيسبوك المنصه رقم ١ للتواصل الاجتماعي الاكثر استخداماً مش بس علي مستوي الوطن العربي لا علي مستوي العالم بالكامل لذلك اذا كنت بتقدم منتج ما او خدمه ما منصه إعلانات الفيسبوك لازم يكون متوجه ليها جزء كبير من الميزانية الاعلانيه نظراً لتجمع اغلبيه الجماهير المستهدفة علي هذه المنصه وهنتعلم في محور إعلانات الفيسبوك كيفيه تجهيز البوست الإعلاني اللي هيتم الترويج ليه لان نجاح اعلانك بيعتمد علي المحتوي البصري اللي بيشوفه عميلك علي السوشيال ميديا لذلك هنبدا نتعرف علي الاستراتيجيات الناجحه اللي تخلي اعلانك مميز من وسط إعلانات المنافسين وزحمه اعلانات السوشيال ميديا
بعد كده بننتقل جوا مدير الإعلانات وبنتعرف علي الأهداف المختلفه للحملات الاعلانيه ونفهم ازاي نختار الهدف من الإعلان يكون مناسب لينا ولشركتنا سواء للمنتج او الخدمه اللي بنقدمها وتضمن ان اعلانك يوصل للعملاء الصح بناء علي المعطيات اللي حددتها للفيسبوك
بعدها بننتقل لاهم جزء من الإعلانات الا وهو الاستهداف طبعا كلنا عارفين اهميه الاستهداف وطالما دخلنا استهداف غلط اعلانك هيوصل للعملاء الغلط وللأسف فشل حملتك الاعلانيه لذلك هتقدر انك تستهدف عملاء بخصائص محدده العملاء الصح اللي فعلا يوصلهم اعلانك بالمنتج او الخدمه المناسبه ليهم واللي محتاجينها
وتزود من نسبه الاكشن من العملاء المحتملين بالشراء او أي كان هدفك الإعلاني
بعد كده بنرجع تاني نشرح الأهداف الاعلانيه بصوره ادق واكثر شمولا هنشرح بالتفصيل حملات زي الوعي بالعلامه التجاريه والوصول
حملات زي الزيارات وتثبيت التطبيق ومشاهدات الفيديو
حملات زي تجميع بيانات العملاء والرسائل
بعدها بننتقل لتحليل الحملات الإعلانية او تحليل الحملات الاعلانيه بحيث تكون قادر انك بعد ما تم إنشاء الحمله الاعلانيه تقدر تعمل تحليل للنتائج اللي حصلت عليها وبالتالي اذا كان الإعلان خالف توقعاتك تعرف الخطاء فين وتتجنبه في الكامبينز التانيه اللي هتعملها وتكون ضمنت نتائج كويسه وناجحه
اخر جزئيه من دوره اعلاانات فيسبوك هتكون معانا هنتتقل لشغل اكثر احترافيه وهنشرح استراتيجيات لنجاح الحملات الاعلانيه زي استراتيجيه الجمهور المخصص والمشابهه اللي بقدر من خلالها اعيد استهداف عملاء تفاعلو معايا سابقا او تمو عمليات شراء علي متجري الالكتروني او اني اعمل جمهور مخصص و استهدف عملاء من خلال ارقام موبايلتهم او ايميلاتهم وده بيكون عن طريق اكسل شيت برفعه للفيسبوك ويبداء يستهدفلي العملاء صاحبه هذه الأرقام او الايميلات ويوصلهم اعلاني
وكذلك استراتيجيات اخري زي الفيسبوك بكسل كود وخاصيه تتبع عملائي علي موقعي او متجري الالكتروني وغيرها من الاستراتيجيات
————————————
المحور الثاني من الدوره التدريبيه هيكون حول اعلانات الانستجرام
عايزين مع بعض نفهم الأول
ليه لازم تبدأ تعلن لمنتجك على إنستجرام؟
كلنا عارفين إن “الصورة ب ١٠٠٠ كلمة”، ولإن إنستجرام أصلًا منصة قائمة على المحتوى المرئي فده بيخليها أكتر منصة بيتحقق عليها تفاعل من الجمهور على مستوى كل منصات التواصل الاجتماعي التانية.
إزاي تكسب التفاعل ده لصالح منتجك وتوصل بصوره اكبر لجمهورك المستهدف وبالتالي تحقق مبيعات أكبر؟ كل ده هنتعرف عليه مع بعض ان شاء الله في محور إعلانات الانستجرام
هنتعرف علي
مميزات الإعلان لمنتجك على إنستجرام.
هنتعرف علي
مفهوم إعلانات إنستجرام، سياساتها ومتطلباتها.
هنتعرف علي
خطوات إنشاء حملات إعلانية محترفة على إنستجرام.
و
إزاي تصمم إعلان إنستجرام عن طريق فيسبوك.
و
طريقة الاستهداف المثالي لجمهورك بالميزانية المناسبة.
وكيفيه تحليل الحملة الإعلانية على إنستجرام باحترافيه
————————————
المحور الثالث من الدوره التدريبيه هيكون حول اعلانات جوجل
اعلانات جوجل ادورد اهم اللي بيميزها هو أن عميلك هو اللي بيبحث عنك او عن منتجك بكلمات محدده بتسهل عليك الوصول الي عميل مستهدف
لذلك في محور اعلانات جوجل هنتعرف مع بعض علي
اختيار الكلمات البحثيه وعمل الاعلان علي شبكه البحث
وكذلك علاقه جوجل ادورد بالاهداف التسويقيه
وبعدين بنبداء اننا نراجع ونحلل الكلمات الرئيسيه
بننتقل بعدها لتفاصيل الحملات الإعلانية واهميه القنوات المختلفه
وهنتعرف كذلك علي اداه استخدام مخطط الكلمات الرئيسيه في تحديد الميزانيه وتحليل الكلمات المستهدفه
ونكون قادرين اننا ننشئ اعلان بشكل احترافي وهنتتبع نتائج الحملات الإعلانية واستخراج التقارير
ونعمل تحليل للحمله الاعلانيه ككل
————————————
المحور الرابع من الدوره التدريبيه هيكون حول اعلانات اليوتيوب
اكثر من مليار ساعه بيتم مشاهدتها بصوره يوميه من حوالي ٢ مليار مستخدم علي يوتيوب
وكونه تاني اكبر محرك بحث من ناحيه الانتشار بعد جوجل واحتلاله المرتبه الثالثه في قائمه وسائل التواصل الاجتماعي المستخدمه عالميا
بتظهر هنا اهميه منصه يوتيوب للفيديوهات كواحده من اهم المنصات اللي لازم تعلن فيها عن منتجك او خدمتك
هنتعرف مع بعض خلال هذا المحور التدريبي
علي أنواع الاعلانات المختلفه علي يوتيوب
وهنكون قادرين اننا ننشئ حمله اعلانيه احترافيه علي يوتيوب
وكذلك هنتعرف علي استراتيجيات تحقيق الاستهداف الناجح لجمهورك
و طرق الاستهداف من خلال الكلمات والمواقع والقنوات والموضوعات
هنتعرف علي كيفيه التحكم في تكرار الاعلان للعملاء فريكونسي كابينچ وتحديد ال الادد سكادول
وازاي اتابع اعلاني واحلل الحمله الاعلانيه بفاعلية عشان ازود من المبيعات
————————————
المحور الخامس من الدوره التدريبيه هيكون حول اعلانات تويتر وسناب شات
تعتبر منصه توتير وسناب شات اكثر منصتين للتواصل الاجتماعي استخداما في دول الخليج والزياده بتوصل كل سنه بمقدار ١٢٪
لذلك اذا كنت صاحب منتج او مقدم خدمه بتستهدف السوق الخليجي لازم اعلانات سناب شات وتوتير يكونو جزء من خطتك الاعلانيه
هنتعرف مع بعض خلال هذا المحور
ازاي نحدد جمهورنا المستهدف في اعلانات سناب شات وتويتر
وكذلك اشكال الاعلانات المختلفه علي سناب شات وتويتر لأننا هنقابل اشكال كتيره جدا من الاعلانات وليها تنسيقات متعدده جدا
ايه اللي ممكن تبقي مهمه وايه اللي ممكن تبقي سهله بالنسبالنا في الاستخدام
وايه الحجات اللي ممكن تساعدنا في الوصول اننا نقدر نعمل تفاعل مع التارجت ماركت بتاعنا بشكل قوي
وهنعرف برضو مع بعض إزاي بنحدد البادجت بتاعتنا علي سناب شات وتويتر
وازاي نربطها بالأهداف التسويقية بتاعتنا او الأهداف اللي احنا عاوزين نوصلها
وكمان ازاي نحسن أداء الاعلانات بتاعتنا وتحليل الحملات الإعلانية علي سناب شات وتويتر
————————————
المحور السادس من الدوره التدريبيه هيكون حول خطه تسويقيه قويه وفعاله بالاضافه الي تطبيقات ونماذج عمليه
لو فشلت في التخطيط فانت بتخطط للفشل واحده من اهم المهارات اللي لازم تتعلمها كواحد بيشتغل في مجال التسويق الالكتروني هي مهاره التخطيط
و ده اللي هنتعلمه في المحور التدريبي ده أن شاء الله وهنتعلم ازاي نقدر نعمل خطه تسويقية متكامله بشكل احترافي من خلال مجموعه دراسات حالات مختلفه ومجموعه كبيره من التطبيقات العملية وهتكون قادر انك تطور من اداءك في وضع الخطط التسويقية علي الانترنت وتقدمها بشكل احترافي
————————————
المحور السابع من الدوره التدريبيه هيكون حول المحتوي التسويقي- وتنميه الأعمال التجاريه بواسطه التسويق بالمحتوي
زي ما بيقول خبراء التسويق
المحتوي هو الملك
اذا قدرت يكون عندك محتوي مميز صدقني مش هتحتاج تدفع في إعلانات
ده فن التسويق بالمحتوى اللي عايزين نتعلم اصوله مع بعض
هنتعلم ازاي ننشئ محتوي تسويقي بيركز علي خلق ونشر المحتوي لجمهورك المستهدف عبر قنوات السوشيال ميديا
وهتكون قادر انك تنشئ محتوي بيضيف قيمه لعملاءك المحتملين اللي بدوره بيحولهم بعد كده لعملاء مشترين و زبائن دائمين
هنتعرف مع بعض خلال هذا المحور التدريبي
علي مفهوم التسويق عن طريق المحتوي
بعد كده بننتقل علي كيفيه انشاء محتوي له هدف
بعد ما جهزنا المحتوي هنكون قادرين اننا ننشره علي القنوات التسويقية المناسبه
وهنتعرف علي التسويق بالمحتوى من خلال المؤثرين والمشاهير علي السوشيال ميديا
وكذلك ضبط المحتوي للبحث ليتناسب مع محركات بحث جوجل
وفي النهايه هنقدر نجهز خطه كامله للمحتوي
————————————
المحور الثامن من الدوره التدريبيه هيكون حول قمع المبيعات في التسويق الالكتروني
استراتيجيه بيستخدمها اقليه ذكيه من المسوقين وأصحاب المنتجات والخدمات لنمو مبيعاتهم بشكل كبير وملحوظ وبالتالي بيحصل زياده لحجم الايرادات والأرباح اللي بيحققوها الا وهي السيلز فانلز او قمع المبيعات وده عباره عن سيستم بيتم تنفذه وتصميمه مره واحده فقط وبيفضل شغال ٢٤ ساعه و وظيفته انه يحولك العملاء المحتملين الي مبيعات ناجحه الي ارباح لمشروعك او شركتك
وهنتعلم مع بعض خلال هذا المحور التدريبي ازاي نصمم بنفسنا سيلز فانلز احترافي مناسب للمنتج او الخدمه اللي بنقدمها ونوفر علي نفسنا مبالغ كبيرة ل اشتراكات شهريه لنماذج سيلز فانلز مدفوعه بتقدمها مواقع زي كليك فانلز
والسيلز فانلز نجاحها مش بيعتمد علي اخر مرحله وهي مرحله الشراء لا ده شي تكميلي اللي هو في نهايه الفانلز العميل ياخد اكشن ويشتري ولكن نجاحها الأكبر هو جذب انتباه العميل المحتمل وتعريفه وزياده الوعي عنده بالبراند الخاص بيك لان العميل ممكن يعدي معاك في كذا فانل ومش شرط يشتري من اول فانل دخل فيه ومعني كده مش ننسي اهميه الفانل في اخر مرحله وهي الشراء ولكن ايه اهميه الشراء طول مالعميل ميعرفكش ولا سمع عن البراند الخاص بيك لذلك نجاح السيلز فانلز بيعتمد بشكل أساسي علي التفاعل مع العميل وجذب انتباهه من وسط زحمه السوشيال ميديا وضرب المنافسين وتاخده في هدوء كده جوا الفانلز وبيعدي معاك
في كذا مرحله منها ( الوعي ثم الاهتمام ثم الرغبه ) لحد ما بيوصل في المرحله الاخيره من الفانلز وهي الشراء
————————————
المحور التاسع من الدوره التدريبيه هيكون حول التجاره الالكترونيه: انشئ متجرك الالكتروني خطوه بخطوه
طبعا كلنا عارفين ان التجاره الالكترونيه هي المستقبل وان
التجاره الالكترونيه هتسود العالم وهتكون هي المحرك الأساسي للاقتصاد العالمي وهتوصل ل٧ تريليون دولار سنوياً سنه ٢٠٢٥
بعد الانتهاء من هذا المحور التدريبي
هتكون قادر انك تنشئ متجر الكتروني متكامل من الالف للياء باستخدام الوورد بريس والووكومرس
لشركتك او نشاطك التجاري او للدروبشينج
المتجر هيكون شامل
الدومين والهوستنج
والتصميمات الخارجية للمتجر الالكتروني
وايميلات رسميه باسم الشركة
واضافه المنتجات واداره الطلبات والشحن
وتفعيل بوابات الدفع
واضافه لغتين العربيه والإنجليزية
————————————
المحور العاشر والأخير من دوره التسويق الالكتروني المتكامله هيكون حول الدروب شيبنج والربح من التجاره الالكترونيه
عايزين نفهم ليه اخر ٥ سنوات صنف الدروب شيبنج علي انه افضل مشروع تجاري ناجح علي الاطلاق وبدون مخاطره؟
لان ببساطه شديده الدروب شيبنج انت بتبيع منتجات مش مالكها
ولا بتتحمل مصاريف بضاعه او ايجار او حتي رواتب موظفين وغيرها من المصاريف الاساسيه اللي بيحتاجها اي مشروع تجاري قاءم علي ارض الواقع
بعد الإنتهاء من محور الدروب شيبنج والربح من التجاره الالكترونيه (في السوق العربي)
هتكون قادر انك تحقق ارباح شهريه من التجاره الالكترونيه براس مال بسيط من خلال عمليه الدروب شيبنج علي مواقع تجاره الكترونيه (عربيه)
و تحترف منصات الدروب شيبنج زي منصه تاجر و تختار المنتجات الرابحه والاكثر مبيعا في السوق (العربي) لعام ٢٠٢١
وتنشي متجرك الالكتروني المتكامل باستخدام الووكومرس والووردبريس وتعمل دروبشيب لمنتجات تاجر علي متجرك الالكتروني الخاص بيك
وهتقدر تسوق للمنتجات باستخدام إعلانات فيسبوك المموله وتحصل على عملاء وتحقق اوردرات وارباح شهريه منتظمه
————————————
تمام هيجي سؤال دلوقتي الدوره التدريبيه دي موجهه لمين؟
موجهه الي :
- مسوقي وبائعي المنتجات والخدمات عبر الانترنت والسوشيال ميديا.
- ولرواد الأعمال الراغبين في نمو أعمالهم سواء كانو اصحاب شركات او مشاريع تجاريه.
- وللمستقلين الراغبين في العمل تحت مسمى وظيفي مسوق الكتروني.
- والطلبه الراغبين في تطوير مهاراتهم وخبراتهم في مجال التسويق الالكتروني.
- وجميع الاشخاص الراغبين في اطلاق مشروع تجاري ناجح علي الإنترنت و تحقيق أرباح شهريه من خلال عمليه الدروب شيبنج علي منصات تجاره الكترونيه عربيه.
ان شاء الله الدوره هتكون ممتعه تقدر تنضم دلوقتي لآلاف من المتدربين وبيتم توفير ليك
ضمان استعاده أموال ساري لمده ٣٠ يوم تقدر تسترد فيها أموالك لو مش راضي عن مستوي الدوره او المحاضر لاي سبب من الأسباب
Who this course is for:
- مسوقي وبائعي المنتجات والخدمات عبر الانترنت والسوشيال ميديا
- رواد الأعمال الراغبين في نمو أعمالهم سواء كانو اصحاب شركات او مشاريع تجاريه
- المستقلين الراغبين في العمل تحت مسمى وظيفي مسوق الكتروني
- الطلبه الراغبين في تطوير مهاراتهم وخبراتهم في مجال التسويق الالكتروني
- جميع الاشخاص الراغبين في اطلاق مشروع تجاري ناجح علي الإنترنت
- جميع الاشخاص الراغبين في تحقيق أرباح شهريه من خلال عمليه الدروب شيبنج علي منصات تجاره الكترونيه عربيه